Шетелде некені (ерлі-зайыптылықты) бұзуды мемлекеттік тіркеу
Қызметті онлайн алу
- Порталда авторизациядан өтіп "Онлайн сұратым" батырмасын басыңыз.
- Сіздің тұратын тұрақты жеріңіз консулдық аймаққа кіретін ҚР шет елдегі мекемені таңдаңыз.
- Өтінімді толтырып оған ЭЦҚ (электрондық цифрлық қолтаңба) немесе смс-паролінің көмегімен қол қойыңыз (міндетті түрде мобильдік азаматтар базасында тіркеу бар болу қажет).
- Жеке кабинетте («Қызметтерді алу тарихы» бөлімінде) көрсетілген уақыт ішінде келіп түсетін сіздің өтініміңізді өңдеу туралы хабарламамен танысыңыз.
- Мемлекеттік қызмет көрсету нәтижесін (куәлік) алу үшін хабарламада көрсетілген күні мен уақытта болу ҚР шет елдегі мекеменің консулдық бөліміне жүгінген жөн.
Мемлекеттік қызметті көрсету өтінімін тіркеуден бас тарту себептері:
- Дұрыс таңдалмаған ҚР шет елдегі мекеме.
- Қате / дұрыс толтырылмаған бағандар.
- Тіркелген консулдық алымның төленген түбіртектің жоқ болуы.
Ескертпе: Төлем ҚР шет елдегі мекеменің есеп шотына жүргізіледі (деректемелер ҚР-дың шет елдегі мекеменің болу еліндегі сайтында қолжетімді). Төлем туралы түбіртектің көшірмесін сканерден өткізіп pdf немесе jpeg (jpg) форматында тіркеу қажет.
Қызметті мемлекеттік органнан қалай алуға болады (қажетті құжаттар):
Кәмелетке толмаған балалары жоқ ерлі-зайыптылардың өзара келісімі бойынша некені (ерлі-зайыптылықты) бұзуды тіркеу үшін:
- Некені (ерлі-зайыптылықты) бұзуды мемлекеттік тіркеу туралы өтініш.
- Некені (ерлі-зайыптылықты) бұзған адамдардың жеке басын куәландыратын құжаттар (салыстыру үшін).
- Неке қию (ерлі-зайыпты болу) туралы куәлік.
- Консулдық алымның төленгенін растайтын құжаттың түпнұсқасы.
Хабар-ошарсыз кеткен немесе әрекетке қабілетсіз деп танылған адамдармен не қылмыс жасағаны үшін кемінде үш жыл мерзімге бас бостандығынан айыруға сотталған адамдармен сот шешімі негізінде некені (ерлі-зайыптылықты) бұзуды тіркеу үшін:
- Жұбайын хабар-ошарсыз кеткен, әрекетке қабілетсіз немесе әрекет қабілеттілігі шектеулі деп тану туралы заңды күшіне енген Қазақстан Республикасының сот шешімінің, сондай-ақ қылмыс жасағаны үшiн кемiнде үш жыл мерзiмге бас бостандығынан айыруға сотталғаны туралы Қазақстан Республикасының сот үкімінің негізінде жұбайлардың бірінің некені (ерлі-зайыптылықты) бұзуды мемлекеттік тіркеу туралы өтініші.
- Көрсетілетін қызметті алушының жеке басын куәландыратын құжат (салыстыру үшін).
- Жұбайын хабар-ошарсыз кеткен немесе әрекетке қабілетсіз деп тану не қылмыс жасағаны үшін кемінде үш жыл мерзімге бас бостандығынан айыру туралы соттың заңды күшіне енген сот шешімі немесе сот үкімі (салыстыру үшін).
- Неке қию (ерлі-зайыпты болу) туралы куәлік.
- Консулдық алымның төленгенін растайтын құжаттың түпнұсқасы.
Шет мемлекеттің құзыретті мекемесі не оған арнайы уәкілетті тұлға өз құзыреті шегінде және белгіленген нысан бойынша берген немесе куәландырған шет мемлекеттің елтаңбалы мөрімен бекітілген құжаттар арнайы куәлік (заңдастыру немесе апостильдеу) рәсімінен өткеннен кейін ғана қабылданады (Қазақстан Республикасының Жоғары Кеңесінің 1993 жылғы 31 наурыздағы қаулысымен ратификацияланған, 1993 жылғы 22 қаңтарда Минск қаласында жасалған Азаматтық, отбасылық және қылмыстық істер бойынша құқықтық көмек пен құқықтық қатынастар туралы конвенцияға және Қазақстан Республикасының 2004 жылғы 10 наурыздағы Заңымен ратификацияланған, 2002 жылғы 7 қазанда Кишинев қаласында жасалған Азаматтық, отбасылық және қылмыстық істер бойынша құқықтық көмек пен құқықтық қатынастар туралы конвенцияға қатысушы елдер үшін талап етілмейді).
Қазақстан Республикасынан тыс тиісті шет мемлекетінің тілінде берілген құжаттар мемлекеттік немес орыс тіліне аударылуға жатады.
Қызмет көрсету нәтижесі
Некені (ерлі-зайыптылықты) бұзу туралы куәлік немесе мемлекеттік қызмет көрсетуден бас тарту туралы дәлелді жауап.